ധാർമ്മികാന്തരീക്ഷമുള്ള കലാലയങ്ങളെ സൃഷ്ടിച്ചെടുക്കാൻ എം. എസ്. എം കാമ്പസ് വിംഗിന്റെ നേതൃത്വത്തിൽ വിവിധ പ്രവർത്തനങ്ങളും പദ്ധതികളുമാണ് വിഭാവനം ചെയ്തിട്ടുള്ളത്. കഴിഞ്ഞ അഞ്ചു പതിറ്റാണ്ടായി കേരളത്തിലെയും പുറത്തുമുള്ള കാമ്പസുകളിൽ നവചേതനക്ക് ധാർമ്മികതയുടെ വിളക്കുമാടമായി കാമ്പസ് വിംഗ് സജീവമാണ്. ഇന്ത്യയിലെ എല്ലാ യൂണിവേഴ്സിറ്റികളിലും എം. എസ്. എം യൂണിറ്റുകൾ നിലവിലുണ്ട്.

ജില്ലാ തലം മണ്ഡലം തലം എന്നതിന് പുറമെ കേരളത്തിലെയും പുറത്തുമുള്ള കാമ്പസ്സുകളെ ഏകോപിപ്പിക്കാൻ റീജിയൺ കോ-ഓർഡിനേഷൻ കമ്മിറ്റികളും കാമ്പസ് വിംഗിന് കീഴിലുണ്ട്. മെഡിക്കൽ, ടെക്നിക്കൽ, പാരാ മെഡിക്കൽ തുടങ്ങിയ വിഭവങ്ങളെ ഏകോപിപ്പിക്കാൻ പ്രൊഫഷണൽ വിംഗും, മാനവിക വിഷയങ്ങൾ പഠിക്കുന്ന വിദ്യാർഥികളെ ഏകോപിപ്പിക്കാൻ ആർട്‌സ് & സയൻസ് വിംഗും , അറബിക് സ്റ്റുഡന്റ്‌സ് വിംഗ് അറബിക് വിദ്യാർത്ഥികൾക്കുവേണ്ടിയും പ്രവർത്തിക്കുന്നു.

സമകാലിക വിഷയങ്ങളിൽ വിദ്യാർത്ഥികളോട് സംവദിക്കാനും ശരിയായ നിലപാട് അവതരിപ്പിക്കുന്നതിനും കാമ്പസ് പരിസരങ്ങളിൽ കാമ്പസ് ഡിബേറ്റുകളും ടോക്കുകളും കാമ്പസ് വിംഗിന് കീഴിൽ സംഘടിപ്പിക്കാറുണ്ട്. എം. എസ്. എം ന്റെ വ്യവസ്ഥാപിത പാഠ്യപദ്ധതിയായ Continuing Religious Education (C.R.E)-ക്ക് കീഴിൽ എല്ലാ ആഴ്ച്ചകളിലും ധാർമ്മിക പഠശാലകൾ കാമ്പസ് യൂണിറ്റുകളിൽ സംഘടിപ്പിച്ചു വരുന്നു.